ഓര്‍മ്മകള്‍

ഗൃഹാതുരത്വം നിറഞ്ഞ ഒരു പിടി ഓര്‍മ്മകള്‍ മനസ്സിലേക്ക് തള്ളി വരുന്നു
ഒരു പാട് നാളുകള്‍ക്കു ശേഷമാണ് ഈ ബ്ലോഗ്‌ തുറക്കുന്നത്. ഞാന്‍ പൂമുഖത്തില്‍ പതിച്ചിരിക്കുന്ന (ഈ ബ്ലോഗിന്റെ) ആ ചിത്രം എന്റെ കോളേജ് ജീവിതത്തിലേക്ക് ഒരു ജാലകം തുറന്നു തന്നു. പറഞ്ഞു വരുമ്പോള്‍ ഇപ്പോഴും ഞാന്‍ കോളേജില്‍ തന്നെയാണ്.
പക്ഷെ ഓരോരോ കലാലയങ്ങളും ഓരോ വ്യത്യസ്തമായ ആശയങ്ങളുടെയും അനുഭവങ്ങളുടെയും കലവറയാണ്. അവിടെ നിന്നും പുറം ലോകത്തേക്ക് കടക്കുന്ന ഓരോ വിദ്യാര്‍ഥിയും ആ ലോകത്തിന്റെ ഒരംശം തന്നിലേക്ക് ചേര്‍ക്കുന്നു. ഒപ്പം തന്റെ ആത്മാവിന്റെ ഒരംശം അവിടെ നിക്ഷേപിക്കുന്നു. അങ്ങിനെ പൊഴിയുന്ന ഓരോ വസന്തവും ആ മണ്ണിനെ സമ്പന്നമാക്കുന്നു.
ആ ഫോട്ടോ ഞാന്‍ ക്യാമറ ഫോണ്‍ വാങ്ങിയ ശേഷം ആദ്യം എടുത്ത ചിത്രങ്ങളില്‍ ഒന്നാണ് - ഇലക്ട്രോണിക്സ് ഡിപ്പാര്ട്ട്മെന്റിലേക്കു നീളുന്ന വഴി. GEC തൃശ്ശൂരിലെ ആ നാലു വര്‍ഷങ്ങളുടെ, ആ വിസ്മയ ലോകതതിനെക്കുറിച്ചുള്ള എന്റെ ഓര്‍മകളുടെ അഥവാ വീക്ഷണത്തിന്റെ ഒരു സൂചികയായി അത് നിള കൊള്ളുന്നു.

തെറ്റുകളെപ്പറ്റി

എന്‍റെ ഗണിതങ്ങള്‍ തെറ്റാറില്ല എന്ന് ഞാന്‍ പറയില്ല. കാരണം തെറ്റിയും തിരുത്തിയുമാണ് ജീവിതം മുന്നേറുന്നത്. ആരോ പറഞ്ഞ പോലെ
You have the right to be wrong
ഇപ്പോള്‍ എന്ത് കൊണ്ടാണ്‌ ഇങ്ങനെ എഴുതിയതെന്നു ചോദിച്ചാല്‍ അറിയില്ല. തോന്നി , എഴുതി - അത്ര തന്നെ
പക്ഷെ ഒന്ന് മാത്രം എനിക്കറിയാം : തെറ്റുകളെ ഭയന്ന് അധ്വാനിക്കതിരിക്കുന്നവനാണ് യഥാര്‍ത്ഥ മൂഡന്‍.